Wilaya ya Mwanga upande wa Magharibi imezungukwa na Bwawa la Nyumba ya Mungu bwawa ambalo linatoa fursa kubwa ya ajira kwa wakazi wanaozunguka Bwawa hilo. Kwa mwaka inakadiriwa kuwa kuna jumla ya tani 1300 za samaki zinazovuliwa kutoka kwenye ziwa hili.
Pia Wilaya imebahatika kuwa na ziwa moja ambalo ni ziwa Jipe lililoko Kaskazini Mashariki mwa Wilaya. Ziwa hili nalo linatoa fursa ya uvuvi kwa wakazi wanao ishi kandokando mwa ziwa hili. Kwa sasa Ziwa Jipe limepungua kwasababu ya magugu maji yaliyopo kwenye ziwa na kupelekea kupungua kwa kina na upana wa ziwa.
Kutokana na uwepo wa sehemu hizi mbili zinazotoa fursa ya uvuvi, Halmashauri inawakaribisha wazawa na wageni kuja kuwekeza kwenye shughuli za uvuvi ikiwa ni pamoja na;
Kuvua kwa kutumia vifaa vya kisasa
Kujenga masoko ya kisasa ya samaki
Kujenga viwanda vya kusindika samaki
Kuanzisha mradi wa kuyaangamiza/kuyaondoa magugu maji yaliyopo kwenye ziwa Jipe
Kuanzisha mabwawa ya samaki kwenye maeneo yenye maji kama Kileo, Kivulini, Kirya, Lang’ata na baadhi ya maeneo ya ukanda wa milimani
