MWANGA YASHIRIKI MAADHIMISHO YA MIAKA 58 YA MUUNGANO

Posted on: April 26th, 2022

Wilaya ya Mwanga leo imeadhimisha sherehe za miaka 58 ya Muungano wa Tanganyika na Zanzibar kwa kushiriki kufanya usafi katika maeneo mbalimbali ya Wilaya. Zoezi la kufanya usafi limehusisha maeneo mbalimbali ya Wilaya kama taasisi za umma na taasisi binafsi pamoja na maeneo yenye mikusanyiko ya watu.

Akizungumza kwa niaba ya Mkuu wa Wilaya ya Mwanga Bi. Mwajuma A. Nasombe ambaye ni Mkurugenzi wa Halmashauri ya Wilaya ya Mwanga amesema, Wilaya ya Mwanga imeweza kushiriki vyema katika kuadhimisha sherehe za miaka 58 ya muungano kwa kuhakikisha taasisi zote zilizoko chini yake zimeshiriki katika zoezi la kufanya usafi kama sehemu ya kusherehekea na kukumbukia siku hii muhimu.

Sherehe za miaka 58 ya Muungano kwa mwaka huu zimeongozwa na kauli mbiu isemayo "Miaka 58 ya Muungano; Uwajibikaji na Uongozi Bora, Tushiriki Sensa ya Watu na Anuani ya Makazi kwa Maendeleo yetu".