VIJANA WA MWANGA WAMWAAHIDI MKURUGENZI JAMBO KATIKA UJIO WA MWENGE WA UHURU

Posted on: May 17th, 2022

Mkurugenzi Mtendaji wa Halmashauri ya Wilaya ya Mwanga Bi. Mwajuma A. Nasombe, leo amekutana na makundi ya vijana wafugaji na waendesha bodaboda ambao ni wanufaika wa mikopo ya vijana itokanayo na asilimia kumi ya Halmashauri na kufanya nao mazungumzo mbalimbali ikiwemo namna vijana hao walivyojipanga kushiriki katika mbio za Mwenge wa Uhuru Wilayani Mwanga tarehe 07.06.2022.

Katika mazungumzo yao, vijana hao wamemuhakikishia Mkurugenzi kwamba, watashiriki kwenye mbio za Mwenge wa Uhuru kwa asilimia zote. Pia wamemuhakikishia kuwa, watahakikisha wanatoa michango kwaajili ya kuchangia gharama za Mwenge.

Mkurugenzi Mtendaji ametumia fursa hiyo kuwaomba wananchi wote wa Wilaya ya Mwanga kuhakikisha kuwa wanakaribia kwenye mbio za Mwenge wa Uhuru Wilayani Mwanga tarehe 07 Juni, 2022 ili waweze kuukimbiza Mwenge na kutembelea miradi mbalimbali ya maendeleo.