Idara ya Mipango, Takwimu na Usimamizi

MAJUKUMU YA IDARA YA MIPANGO TAKWIMU NA UFUATILIAJI

Idara ya Mipango, Takwimu na Ufuatiliaji ina jukumu la kuratibu na kusimamia shughuli za miradi ya maendeleo ikiwa ni pamoja na:

1. Kuratibu uandaaji wa bajeti ya Mpango wa Maendeleo wa Halmashauri, kuanzia ngazi ya Kijiji, Kata hadi Wilaya.
2. Kuratibu uandaaji wa mpango kazi wa utekelezaji wa miradi ya maendeleo baada ya bajeti kupitishwa.
3. Kuratibu utekelezaji wa miradi ya maendeleo ikiwa ni pamoja na usimamizi na ufuatiliaji utekelezaji wa miradi kuanzia ngazi ya Vijiji, Kata hadi Wilaya.
4. Kuratibu uandaaji wa taarifa za utekelezaji wa miradi ya maendeleo kila robo mwaka na mwaka.
5. Kuhakikisha miradi inatekelezwa kwa Kuzingatia thamani (Value for Money) na inatekelezwa kwa wakati uliopangwa (Time frame).
6. Shughuli nyingine ni pamoja na kuratibu matumizi ya fedha za mfuko wa jimbo na kuzitolea taarifa ya utekelezaji.
7. Kuratibu utekelezaji wa ilani ya uchaguzi ya chama tawala na kutoa taarifa za utekelezaji wa ilani kwa nusu mwaka na mwaka.
8. Kutoa ushauri kwa Mkurugenzi kuhusu shughuli za maendeleo ya Wilaya na kufanya shughuli zote zitakazoagizwa na Mkurugenzi wa Wilaya.
9. Kuhudhuria vikao mbalimbali vya kudumu vya Halmashauri pamoja na kuratibu maagizo mbalimbali yatokanayo na vikao.