Wilaya inatekeleza shughuli za Uvuvi ikiwemo kusimamia Uvuvi endelevu katika Bwawa la Nyumba ya Mungu na Ziwa Jipe , na kuelimisha wananchi juu ya ufugaji bora wa samaki.
Wilaya ya Mwanga ina jumla ya bwawa (fish ponds) 135 ambayo yanamilikiwa na watu binafsi, aina ya Samaki wanaofugwa ni Kambale na Perege, pia sehemu ambazo ufugaji unafanyika ni Kata za Mwanga, Kileo, Kirya, Kigonigoni, Kighare na Shighatini. Pia tunasimamia vyema kukabiriana na uvuvi haramu kwa kuzingatia sheria ya uvuvi Na. 22 ya 2003 na kanuni zake za 2009.
2.1 MAFANIKIO.
Tumefanikiwa kukatia leseni jumla ya wavuvi 116 na kusajili vyombo vya uvuvi (mitumbwi) 224 kutoka Bwawa la Nyumba ya Mungu.
Kutoa elimu kwa vikundi 16 vya wavuvi ( vikundi 12 N/ Mungu na 4 Jipe) juu ya kufanya uvuvi halali kwa upande wa ziwa Jipe na upande wa Bwawa la Nyumba ya Mungu Kuanzia mwezi Juni 2017 hadi Octoba 2017.
Kuunda BMUs 12 kwa upande wa N/Mungu na BMUs 4 upande wa Ziwa Jipe na kufanya doria ndani na nje ya maji hadi kukamata zana haramu za uvuvi kama jedwari lifuatalo linavyoonyesha ; mwezi , zana na hatua zilizochukuliwa.
S/N
MWEZI
ZANA HARAMU
HATUA ZILIZOCHUKULIWA
1
Juni.
Chandarua 1
Kiliteketezwa na moto
Nyavu za kutega vipande 17
Viliteketezwa na moto
Mitumbwi 8
Kukabidhi katika kijiji cha Nyabinda
Ndoo za dagaa 2
Ziliteketezwa kwa moto.
2
Julai
Kuunda Beach Management Units (BMUs)
3
Agosti
Chandarua 1
Kiliteketezwa na moto
4
Septemba
Kokoro 1
Ziliteketezwa kwa moto.
Chandarua 1
5
Octoba
Vimia 2
Ziliteketezwa kwa moto.
Kokoro 2
Njenga 1
2.2 MIKAKATI YA KUDHIBITI UVUVI HARAMU.
Idara kupitia kitengo cha Uvuvi imepanga mikakati ifuatayo,
Kuwashirikisha viongozi wa ngazi ya Kata, vijiji na vitongoji katika kuwabaini wavuvi haramu na zana zao katika maeneo husika.
Kutoa muda wa siku 14 wa kusalimisha zana haramu kwa wavuvi haramu katika ofisi za kata zao. Kwa upande wa Ziwa Jipe mwisho ilikuwa Ijumaa ya tarehe 17/11/2017, upande wa Bwawa la Nyumba ya Mungu kwa kata ya Lang’ata Bora wavuvi haramu wanasalimisha zana zao tangu tarehe 8 - 22/11/2017 katika ofisi ya Kata na kwa upande wa Kata ya Kirya wanasalimisha zana hizo kuanzia 10/11/2017 hadi tarehe 23/11/2017 katika ofisi ya Kata.
