MWANGA YASHIRIKI NANENANE

Posted on: August 8th, 2018

Halmashauri ya Wilaya ya Mwanga ni miongoni mwa Halmashauri zote za Mikoa ya Kilimanjaro, Arusha na Manyara ambazo zimeshiriki kikamilifu kwenye maadhimisho ya maonyesho ya wakulima (nanenane).

Maadhimisho hayo ambayo leo ndio ilikuwa kilelele, yameweza kuhudhuriwa na maelfu ya watanzania kutoka sehemu mbalimbali kwa lengo la kupata elimu (kujifunza), utalii na burudani. Madiwani wa Halmashauri ya Wilaya ya Mwanga pamoja na baadhi ya watumishi wameshiriki katika maadhimisho haya.

Akiongea kwa niaba ya Mkurugenzi Mtendaji wa Halmashauri ya Wilaya ya Mwanga, Ndugu Hassan Mamboleo, ambaye ni Kaimu Afisa Mifugo, amesema, maadhimisho haya lengo lake kubwa huwa ni kubadilishana uzoefu kati ya Halmashauri na Halmashauri ili kuongeza ufanisi mzuri kwenye utendaji hususani kwenye shughuli za kilimo na mifugo.

Mgeni rasmi kwenye maadhimisho hayo alikuwa ni Waziri wa Nchi Ofisi ya Waziri Mkuu, Sera, Bunge, Vijana na Watu wenye Ulemavu Mhe. Jenista Muhagama. Mheshimiwa Waziri amepongeza maadhimisho hayo na kuweza kutoa zawadi kwa washiriki waliofanya vizuri kwenye maonyesho ya mabanda yao.