Nawezaje kupata kibali cha kukata mti

TARATIBU ZA KUFUATA ILI UWEZE KUPATA KIBALI CHA KUKATA MTI/MITI

Endapo Mwananchi atahitaji kukata mti/miti atapaswa kufuata taratibu zifuatazo ili aweze kupatiwa kibali na mamlaka husika.

1. Muhusika ataandika barua kwenda kwa Mkuu wa Wilaya 
2. Barua ipitie kwa Mhifadhi Misitu Wilaya (TFS), Afisa Mali Asili Wilaya na Mtendaji wa Kijiji ambacho mti/miti itakatwa/itavunwa.
3. Muhusika anapaswa kueleza lengo la kuvuna miti; mfano kukomaa, kuangusha matawi juu ya nyumba, kuharibu bati, mizizi kuathiri jengo, kuzuia mwanga mimea mingine, kupata mbao kwa ajili ya ujenzi/biashara nk.
4. Muhusika anapaswa kueleza aina ya miti ambayo anataka kuvuna.
5. Baada ya kufuata hatua hizo zote, Mkuu wa Wilaya atatoa maelekezo kuwa muhusika apatiwe kibali.

NB; Endapo muhusika atashindwa kupata maelezo au ufahamu wa kina, anapaswa kufika kwenye Ofisi ya Mali Asili Wilaya ili apate ufafanuzi zaidi.