TEHAMA

KITENGO CHA TEKNOLOJIA,HABARI,MAWASILIANO NA UHUSIANO

Kitengo hiki kina majukumu ya kusimamia utekelezaji wa kazi za Teknolojia ya Habari na Mawasiliano(TEHAMA), na utoaji wa taarifa za utekelezaji wa mipango ya maendeleo ya Halmashauri kwa vyombo vya habari. Majukumu mengine ni kufanya mawasiliano na taasisi mbalimbali za ndani na nje ya nchi, kuendeleza uhusiano baina ya Halmashauri na taasisi mbalimbali za ndani na nje ya nchi ikiwa ni pamoja na Uhusiano wa Miji mingine.

Kitengo cha TEHAMA  kinatoa huduma zake katika idara zote za Halmashauri pamoja na Taasisi zingine za serikali zilizopo ndani ya Halmashauri kama TASAF, Mamlaka ya Maji, Ukaguzi wa shule nk.

Majukumu ya Kitengo cha Teknolojia,Habari,Mawasiliano na Uhusiano

1. Kitengo cha Habari, na Mawasiliano kina jukumu la kuhakikisha

Ofisi ya Mkurugenzi wa Halmashauri ya Wilaya inadumisha

mahusiano chanya na wadau wake wa ndani na nje.

2. Kutangaza shughuli zote za serikali na kuujulisha umma shughuli

za maendeleo zinazotekelezwa katika Halmashauri ya Wilaya

ya Mwanga kwa njia mbalimbali zikiwemo magazeti, majarida,

vitabu, vipeperushi, radio, TV na tovuti.

3. Majukumu mengine ya msingi ya Kitengo yanahusu kusimamia,

kuratibu na ushauri wa matumizi ya teknolojia ya kompyuta.

Kusimika Mfumo wa Kompyuta wa Kuhifadhi taarifa na

Kumbukumbu za Watumishi na Mishahara (Intergrated

Human Capital Management System); pamoja na utekelezaji wa

Sera ya Serikali Mtandao (e-government policy) katika utumishi

wa umma

4. Aidha, Ofisi hii ina jukumu la kupokea na kushughulikia

malalamiko ya wadau yanayohusu Ofisi ya Mkurugenzi wa

Halmashauri