Wasimamizi wasaidizi wa uchaguzi ngazi ya kata wapewa mafunzo

Posted on: August 4th, 2025

Msimamizi wa uchaguzi jimbo la Mwanga Ndg. Robert Tarimo mapema leo Agosti 4, 2025 amefungua mafunzo  kwa wasimamizi wasaidizi wa uchaguzi ngazi ya kata kwa lengo la  kuwajengea uwezo wa kutekeleza majukumu  na kufahamu mambo muhimu ya kuzingatia wakati wote wa Uchaguzi.

Akizungumza wakati wa ufunguzi wa mafunzo hayo yatakayodumu kwa siku 3 kwanzia tarehe 4 hadi 6 Agosti 2025 katika ukumbi wa mikutano wa KKKT Mwanga Ndg. Robert Tarimo amewataka washiriki  kusoma katiba, sheria, kanuni, miongozo na maelekezo  mbalimbali yanayotolewa na Tume huru ya Taifa ya Uchaguzi na kuvishirikisha vyama vyote  vya siasa vyenye usajili kamili katika hatua zote kwa kuzingatia matakwa ya katiba, sheria na maelekezo yanayotolewa na tume.

Kadhakika "Msiache kusoma katiba, sheria, kanuni, taratibu, miongozo na fuateni maelekezo mbalimbali yatakayotolewa na tume huru  ya Uchaguzi ili kujiimarisha na kutekeleza kwa ufanisi majukumu yenu ambayo Tume Huru ya Taifa ya Uchaguzi imewapa” ameongeza Msimamizi wa Uchaguzi.