AFISA ELIMU SEKONDARI; WATAHINIWA 876 WAANZA MITIHANI KIDATO CHA VI

Posted on: May 7th, 2018

Halmashauri ya wilaya ya Mwanga ni miongoni mwa Halmashauri ambazo leo shule zake zenye kidato cha sita wameanza mitihani yao ya kuhitimu kidato cha sita.

Akizingumzia kuhusu maandalizi ya mtihani huo, Afisa Elimu Idara ya Sekondari Mwalimu Chacha Megewa amesema, mpaka kufikia siku ya leo, hamna tatizo lolote lililo jitokeza, watahiniwa wote wapo vizuri na wamejiandaa kwa ajili ya kufanya mtihani. Ulinzi wa mitihani nao umeimarishwa na ulinzi huo utaendelea kuimarishwa mpaka pale mitihani hiyo itakapokabidhiwa kwenye mamlaka zingine.

Afisa elimu amesema kuwa, jumla ya watahiniwa 876 watafanya mtihani huo ambapo, watahiniwa wa darasani ni 825 na watahiniwa wa kujitegemea (PC) ni 31. Aidha watahiniwa walimu wa Daraja la 'A' ni 20. Mtihani huo ambao umeanza leo, utamalizika tarehe 18 Mei, 2018.

Afisa Elimu amewatakia watahiniwa wote mtihani mwema, na amewaomba wafanye mtihani huo kwa kujiamini huku wakiwa wanamtanguliza Mungu.