DC MUNKUNDA AONGOZA KONGAMANO LA MWAKA LA MASHIRIKA YASIYO YA KISERIKALI (NGOs)

Posted on: June 18th, 2025

Mkuu wa Wilaya ya Mwanga Mhe. Mwanahamisi Munkunda ameongoza Kongamano la mwaka la Mashirika Yasiyo ya Kiserikali (NGOs) yanayofanya kazi ndani ya Wilaya ya Mwanga kwa lengo la kufanya tathimini ya utekelezaji wa shughuli za mashirika  kwanzia mwaka 2021 hadi 2025 kwa kuangazia mafaniakio, changamoto,  fursa na matarajio ya kila shirika.

Katika Mkutano huo uliofanyika leo tarehe 18 Juni 2025, katika Ukumbi wa TRC,  DC  Munkunda amesema Serikali ya Jamhuri ya Muungano wa Tanzania inatambua kazi kubwa na mchango wa Mashirika yasiyo ya Kiserikali kuwa ni wadau muhimu katika kuchangia maendeleo ya jamii na Taifa kwa ujumla.

Kadhalika Mkurugenzi Mtendaji wa Halmashauri ya Wilaya ya Mwanga Bi. Zahara Msangi amewataka wadau hao wa maendeleo  Kuimarisha ushirikiano na Serikali ili kuleta tija katika utekelezaji wa Miradi yao na hivyo kuleta mafanikio tarajiwa katika jamii