MKUU WA MKOA WA KILIMANJARO ARIDHISHWA NA UTEKELEZAJI WA MIRADI

Posted on: June 13th, 2025

Mkuu wa Mkoa wa  Kilimanjaro Mhe. Nurdin Babu amefanya ziara ya ukaguzi wa miradi ya maendeleo Wilayani Mwanga  na kuridhishwa na utekelezaji wa miradi inayoendelea kutekelezwa na ametoa  pongezi kwa Viongozi wa Wilaya ya Mwanga kwa kusimamia ipasavyo matumizi ya fedha za serikali.

Mhe. Babu amezungumza hayo leo Juni 13, 2025, wakati wa ziara ya kukagua miradi itakayopitiwa na mbio za Mwenge  Uhuru kwa mwaka huu, na kusisitiza kuwa  Mkoa wa Kilimanjaro upo mstari wa mbele katika kuhakikisha miradi ya maendeleo inakamilika kwa wakati na kwa viwango vinavyokubalika.

Aidha, Mhe. Babu ameipongeza Serikali ya Awamu ya Sita inayoongozwa na Mhe.Dkt.Samia Suluhu Hassan Rais wa Jamhuri ya Muungano wa Tanzania kwa kuendelea kupeleka miradi mingi ya maendeleo katika mkoa wa Kilimanjaro, jambo ambalo limesaidia kwa kiasi kikubwa kuboresha huduma za kijamii kwa Wananchi.