MWANGA YAADHIMISHA SIKU YA MTOTO WA AFRIKA

Posted on: June 16th, 2025

Hatimaye ile siku adhimu ya kuadhimisha siku ya Mtoto wa Afrika leo imekamilika baada ya viongozi na wananchi mbalimbali ndani ya Wilaya ya Mwanga kushiriki siku hiyo katika kituo cha malezi ya watoto  COMPASSION kilichopo Kijiji  cha Lang'ata Bora.

Katika kuadhimisha siku hii, watoto walipata fursa ya kuonesha vipaji mbalimbali kwa  kucheza, kuimba na kuruka sarakasi.

Mkuu wa Wilaya ya Mwanga mhe. Mwanahamisi Munkunda, ambaye ndiye alikuwa mgeni rasmi katika maadhimisho  hayo amesema kila Mzazi au Mlezi ana wajibu wa kuunga mkono jitihada za Serikali katika kusimamia na kuhakikisha watoto wanapata haki zao zikiwemo malezi na elimu  kwani tayari Mh, Rais Dkt. Samia Suluhu Hassan anaendelea kuimarisha, kuboresha na kuongeza miundombinu rafiki.

Awali akimkaribisha Mkuu wa Wilaya ya Mkuranga, Mkurugenzi Mtendaji wa Halmashauri ya Mwanga  Bi Zahara Msangi amewakumbusha Wazazi kutenga muda kwa ajili ya kuzungumza na watoto wao. Alisema ni vema Wazazi wakajenga urafiki na watoto wao ili wawe huru kuwaeleza changamoto wanazokabiliana nazo hususan ukatili na unyanyasaji wanaokutana nao.

Maadhimisho hayo Mwaka huu yanaongozwa na kauli mbiu isemayo, "Haki za Mtoto Tulipotoka, tulipo na tuendako"