ZIARA YA WAZIRI MKENDA MWANGA YALETA MATUMAINI MAPYA KATIKA UPATIKANAJI WA SHULE YA AMALI.

Posted on: June 5th, 2025

Waziri wa Elimu Sayansi na Teknolojia, Prof. Adolf Mkenda  mapema leo amefanya ziara ya kikazi Wilayani Mwanga ambapo ametembelea na kukagua mradi wa ujenzi wa shule mpya ya Sekondari Kilaweni.

Katika ziara hiyo wananchi wa Mwanga wakiwakilishwa na mbunge wao Mhe. Joseph Anania Thadayo wamemwomba mhe waziri kwa mamlaka aliyonayo aifanye  shule hiyo iwe  moja ya shule ya amali.

Baada kuridhishwa na maendeleo ya mradi huo Mhe. Waziri ameridhia ombi hilo na kuagiza wataalamu kutoka VETA kuanza kwa haraka  mchakato wa mapitio ya mradi   ili kuharakisha utekelezaji huo.